A bekkur 2005

jæja allir...

Sun, 27 Jul 2008 11:34:38 GMT

Hvernig væri nú að sýna að þið séuð á lífi:lol::) og segja okkur frá því sem þið eruð að taka ykkur fyrir hendur... hvað ætli þið að fara að gera að loknu námi??;)

Ætla ekki allir í A-bekk að mæta ?

Wed, 07 May 2008 10:52:36 GMT

Kæru samnemendur nær og fjær!

Nú er ekki langt í það að við útskrifumst úr Kennaraháskóla Íslands eftir viðburðarík og skemmtileg ár. Það er hefð fyrir því í Kennaraháskólanum að 3. árs nemar kveðji kennara sína fyrir útskrift og ekki ætlum við að vera neinir eftirbátar í þeim efnum! Fyrirhugað er að hafa kveðjuhófið í Fjöru, föstudaginn 9. maí milli kl. 16:00 – 18:00.

Hugmyndin er að allir leggi saman í púkk, 1500 kr. á mann fyrir brjóstbirtu og brauðmeti, kennurum og okkur til handa. Það er ekki amalegt að geta kvatt okkar ágætu kennara almennilega sem hafa staðið þétt við bakið á okkur gegnum námið.

Það sem við þurfum að vita er hvort þú ætlir ekki að mæta á þennan einstaka viðburð eða ætlir virkilega að láta hann framhjá þér fara? Mundu að við 3. árs nemar erum einstaklega skemmtilegt og ótrúlega viðfelldið fólk sem eru að útskrifast á 100 ára afmæli skólans. Þar að auki er gott að geta vitnað og tjáð sig um þennan merkisviðburð við vini og vandamenn þegar fram líða stundir!

Skráning fer fram á: liljtorf@khi.is og vinsamlegast leggja inná reikning 526-26-31618, kt. 100270-4559. Athugið þar sem þetta er frekar stuttur fyrirvari þá væri meiriháttar ef þið mynduð bregðast hratt við!!!

Að samkomu lokinni er hugsunin sú að við nemarnir skemmtum okkur saman áfram fram eftir kvöldi. Hugmyndir eru vel þegnar!

Með von um góðar undirtektir og þátttöku!

Nefndin

Elsku samnemendur... Erum við nokkuð dauð úr öllum æðum enn?

Wed, 23 Apr 2008 01:30:38 GMT

Elskurnar.

Það mætti halda að við værum sjötug!

Ég vil þó þakka þeim sem mættu á árshátíð og skemmtu sér konunglega með mér...

Allavega, ef þið viljið kíkja aðeins út í lærdómnum þá er náttla kántrýpartý! Ef einhver vill kíkja skal sá hinn sami hringja í mig því ég er alltaf til í eitthvað...

Annað mál á dagskrá, hinn indæli Helgi minn var að gefa út plötu og eru útgáfutónleikar á föstudaginn. Ég ætla auðvitað að fara og þætti gaman að sjá einhvern.... Bara svona, þið vitið, ef ykkur vantar eitthvað að gera annað en að klára ritgerðina...

Love, Andrea

Smá plögg ;)

Mon, 31 Mar 2008 01:04:36 GMT

Næstkomandi sunnudagskvöld þann 6. apríl kl. 20:00 frumsýnir Óperustúdíó Íslensku óperunnar Cosi fan tutte (Allar eru þær eins), gamanóperu í 2 þáttum eftir W. A. Mozart. Þetta er ævintýraleg og uppátækjasöm uppfærsla á einu af meistaraverkum óperubókmenntanna, þar sem hlutirnir eru langt frá því að vera það sem þeir sýnast. Aðeins 2 aðrar sýningar eru í opinni sölu, föstudaginn 11. apríl kl. 20:00 og sunnudaginn 13. apríl kl. 20:00. Frekari upplýsingar má nálgast á www.opera.is og þar er einnig hægt að kaupa miða. Sími í miðasölu er 511-4200.

Einsöngvarar:
Fiordiligi         Hanna Þóra Guðbrandsdóttir / Steinunn Skjenstad
Dorabella        Sólveig Samúelsdóttir
Despina           Unnur Helga Möller / Tinna Árnadóttir
Ferrando         Sveinn Dúa Hjörleifsson
Guglielmo       Jón Svavar Jósefsson
Don Alfonso    Þorvaldur Þorvaldsson

Kór:
Einar Helgi Jóhannsson
Finnbogi Óskarsson
Júlíus Karl Einarsson
Pétur Heimisson
Elfa Dröfn Stefánsdóttir
Ástrós Elísdóttir
Hildigunnur Einarsdóttir
Björg Þórsdóttir
Drífa Hansen
Hrafnhildur Árnadóttir
Hulda Sif Ólafsdóttir
Ingunn Gyða Hrafnkelsdóttir
Jenný Lára Arnórsdóttir
Sólbjörg Björnsdóttir
Steinvör Ágústsdóttir
Arnór Dan Arnarson
Þorsteinn Freyr Sigurðsson

Hljómsveit skipuð nemendum tónlistarskóla á höfuðborgarsvæðinu

Listrænir stjórnendur:
Antonia Hevesi, æfingarstjóri
Ágústa Skúladóttir, leikstjóri
Daníel Bjarnason, hljómsveitarstjóri
Guðrún Öyahals, leikmyndahönnuður
Katrín Þorvaldsdóttir, búningahönnuður
Páll Ragnarsson, ljósahönnuður

Gaman væri að sjá ykkur sem flest !

kær kveðja, Elfa

Wake up...A´s

Sat, 23 Feb 2008 19:41:51 GMT

Ég er að spekulera í að go crazy fyrir síðustu árshátíðina okkar í þessum skóla og bjóða Ö-um heim til mín út á nes í fyrirpartí. Það kostar rétt rúmlega 1000 kall í taxa niður í bæ heiman frá mér, þannig að þetta er fínt staðsetning.

Hvernig lýst ykkur á það...eru ekki annars flestir sem ætla að drífa sig á þetta geim???

Helena pelena, sem hefur ákveðið að verða partýljón!!!!:lol:

Tækifæri til að hittast og skála!!

Mon, 11 Feb 2008 22:45:03 GMT

Kæri útskriftarnemi!

Fræðslustjóri Reykjavíkur býður þér til móttöku í húsnæði

Menntasviðs Reykjavíkurborgar að Fríkirkjuvegi 1,

Miðbæjarskólanum, föstudaginn 22. febrúar kl.16:00 – 18:00

Starfsmenn Menntasviðs og skólastjórnendur munu þar

kynna stefnu og áherslur í skólastarfi í borginni. Gert er ráð

fyrir fyrirspurnum og umræðum.

Boðið verður upp á léttar veitingar.

Vinsamlegast tilkynnið þátttöku fyrir 20. febrúar til Eyglóar

Traustadóttur, eyglo.traustadottir@reykjavik.is, s. 411 7000.

Mér væri sönn ánægja ef þú gætir þegið boðið,

Ragnar Þorsteinsson, fræðslustjóri

Próflokafjör!

Tue, 18 Dec 2007 23:05:13 GMT

Eins og allir hafa fengið póst um er próflokafjör á morgun miðvikudaginn 19 des kl 20. eigum við ekki að fjölmenna? það er nú lágmark að láta sjá sig á próflokadjamminu þótt við séum ekki dugleg að mæta á auglýsta viðburði í kennó. koma svo! ég og hildur stefnum á að mæta og vonandi anna og svo býst ég við að sjá allavega sömu yndislegu andlitin sem eru alltaf dugleg að mæta. endilega commentið. hlakka til að sjá ykkur. kv. Andrea

Hittingur á Hverfis í kvöld

Thu, 06 Dec 2007 13:24:40 GMT

Djamm.....djamm....djamm....djamm.....djamm......

Hverfisbarinn kl.20 á fimmtudaginn.....

Tilboð.....fimm í fötu á 1900. krónur.

Hlakka til að sjá ykkur sykurpúðar...

Aðferðafræði

Tue, 04 Dec 2007 15:49:16 GMT

Jæja ótrúlega lati bloggandi bekkur, eru ekki allir sveittir að læra fyrir aðferðafræði???

Ætlaði bara að benda ykkur á glósur úr bæði bókinni og greinunum á síðunni skuli.us/adferdafraedi :haha:

Gangi ykkur vel í lestrinum elskurnar :)

Kv. Anna sem er ekki búin að lesa einn helvítis staf í aðferðafræði !!!!

JÓLAJÓLAJÓLAJÓLA

Wed, 31 Oct 2007 22:25:29 GMT

Jæja girls and boys.. eru ekki allir komnir í jólaskapið?? ..hehe.. nei vildi bara kynna fyrir ykkur "jól í skókassa" verkefnið sem rauði krossinn er með í gangi. Ég ætla að gera þetta á föstudagskvöldið (á að skila á laugardaginn..) og ef einhver vill vera með þá er það velkomið en hér koma smá upplýsingar : ---Hvernig á að ganga frá skókassanum? 1. Finnið tóman skókassa og pakkið honum inn í jólapappír. Athugið að pakka lokinu sérstaklega inn þannig að hægt sé að opna kassann. Hægt er að nálgast skókassa í skóbúðum og mælt er með að fólk tryggi sér kassa í tæka tíð. 2. Ákveðið hvort gjöfin sé ætluð strák eða stelpu og fyrir hvaða aldur: (2-4), (5-9), (10-14) eða (15-1. Á baksíðu þessa bæklings finnið þið tilbúinn merkimiða fyrir annað hvort strák eða stelpu. Klippið miðann út, merkið á hann aldursflokk viðtakanda og límið ofan á skókassann. 3. Setjið 300-500 krónur í umslag og leggið efst í kassann. Peningurinn er fyrir kostnaði sem fylgir verkefninu. 4. Lokið kassanum með því að setja teygju utan um hann. ---Gjafir í skókassana Í kassann skal setja a.m.k. einn hlut úr hverjum af eftirtöldum flokkum: Leikföng. Sem dæmi má nefna litla bíla, bolta, dúkku, bangsa og jó-jó. Athugið að láta auka rafhlöður fylgja rafknúnum leikföngum. Skóladót. Sem dæmi má nefna penna, blýanta, yddara, liti, litabækur, skrifbækur og vasareikni. Hreinlætisvörur. Óskað er eftir því að allir láti tannbursta og tannkrem í kassann sinn. Einnig má setja sápustykki, greiðu, þvottapoka, hárskraut o.fl. Sælgæti. Sem dæmi má nefna sleikjó, brjóstsykur, pez og karamellur. Föt. Sem dæmi má nefna húfu, vettlinga, sokka, boli og peysu. ---Hvað má ekki fara í skókassana? Mikið notaðir eða illa farnir hlutir Matvara Tyggjó Stríðsdót, s.s. leikfangabyssur, leikfangahermenn og hnífar. Vökvar, s.s. sjampó, krem, sápukúlur o.fl. Lyf, s.s vítamín, hálsbrjóstsykur, smyrsl o.fl. Brothættir hlutir, s.s. speglar, postulínsdúkkur o.fl. Spilastokkar. Þar sem spilastokkar eru tengdir fjárhættuspilum í Úkraínu, óskum við eftir að þeir séu ekki gefnir í skókassana.Athugið! Ef þú vilt getur þú sett mynd af þér ásamt nafni og heimilisfangi og/eða netfangi efst í skókassann. Það gefur viðtakanda skókassans möguleika á að setja sig í samband við þig. Þannig geta myndast vinatengsl sem varað geta lengi ---svo má nálgast meiri upplýsingar á skokassar.net KOMUM OKKUR NÚ Í JÓLAGÍRINN, GLEÐJUM FÁTÆK BÖRN OG GERUM EITTHVAÐ FYRIR SÁLARTETRIÐ Í LEIÐINNI p.s. biðst afsökunar á belg og biðu stílnum hjá mér.. eitthvað með tölvuna mína að gera...

Ok Partý. Kýlum á það!

Thu, 04 Oct 2007 12:28:52 GMT

Jæja fólk. Allir til í partý? Ok skoðanakönnun: Hvort eigum við að hittast á morgun eða laugardag? Skoðanakönnunin stendur til klukkan 16 í dag og svo verður tilkynnt um tíma.... Ég skal senda ykkur öllum sms svo að þið getið látið skoðun ykkar í ljós... Partý! kv. andrea

Paaaaartei.

Wed, 12 Sep 2007 21:00:40 GMT

Hæbb..

Já partý!
Ég skal halda partý.

Hvenær viljiði??

þarnæstu helgi? Hmm?

ég er líka ágætlega staðsett ef einhvern langar að rölta svo í byen eða eitthvað slíkt...

Andrea

Hello...

Wed, 29 Aug 2007 16:50:45 GMT

Jæja gott fólk, nú þegar skólinn er byrjaður hefur ENGINN afsökun fyrir að láta ekki í sér heyra... sérstaklega af því að maður hittir ykkur svo sjaldan núorðið.. Hvað er að frétta af ykkur elskurnar?? Í hvaða áföngum eruð þið?? Hvað voruð þið að gera í sumar?? 8)

Og það sem skiptir kannski meira máli: HVENÆR EIGUM VIÐ AÐ SKELLA OKKUR ÚT Á LÍFIÐ?? Nú vill Annan fara að fá eins og eitt gott partý með GÓÐRI MÆTINGU!! Hvað segiði??

Verið hress, ekkert stress og bless :haha: Anna panna

Dáið??

Fri, 24 Aug 2007 23:38:32 GMT

Ég held að þessi síða sé svona um það bil að gefa upp öndina! :cry:

Hvað haldið þið?

loksins eitthvað aksjón í a-bekknum!!

Thu, 19 Jul 2007 00:51:56 GMT

Jæja börnin góð!!! Nú er kominn tími á þetta.

Það hefur hér með verið ákveðið að við a-bekkjarfólk ætlum að hittast á mánudagskvöldið næsta, þ.e.a.s. 23.júlí 2007 ( maður verður víst að hafa ártalið með enda er ekki mikil umferð á þessari síðu okkar )...

Planið er að kíkja eitthvert saman að borða eða hittast í kaffispjall heima hjá einhverjum eða eitthvað annað og enn betra... Allavega að hittast á mánudaginn.

Það hljóta allir að vera til í smá hitting eftir allan þennan tíma!!! Ég er rosalega til í að kíkja eitthvert að borða saman, það er alltaf svo kósý og gaman.

Endilega tilkynnið hvort þið getið komið. Ég er allavega game!! Og allavega Anna og Bogga. Og svo þið!!

kv. Andrea